Walîyê Çewlîgî yo newe dest bi wezîfe kerdo

Dîroka Weşanê: 8 ay önce

Walî Cahît Çelîk o ke bi Qerarnameyê Serekkomarîye seba Walîtîya Çewlîgî amebi tayînkerdene, ewro dest bi wezîfeyê xo kerd.

 AMÎDA KURDÎ - Bi Qerarnameyê Walîyan o ke bi îmzaya Serekkomar Recep Tayyîp Erdoganî ame weşanayene, Walîyê Çewlîgî Ahmet Hamdî Usta tayînê Walîtîya Yalova; Walîyê Nîgde Cahît Çelîk zî tayînê Walîtîya Çewlîgî bibî. Dima ke Walî Usta xatir waşt û bajar ra vejîya, Walî Çelîk ewro Çewlîg de dest bi wezîfe kerd.

Walî Çelîkî va: "Çewlîgo ke wayîrê kulturekê kehenî yo û sey nameyê xo bi hezaran rindîyan zereyê xo de dano cuyayene; bi tradîsyonan, werdanê herêmîyan, tebîetê bêemsalî û tarîxê kokdarî, wayîrê kulturekê dewlemendî yo. Goreyê fehmê mi yê îdareyî, seba çareserkerdişê probleman, ma do pêro beşanê cimatî bigîrê mîyanê xo, înan reyde mişewre bikerê. Bi yewna îfade; ma do pîya bixebitîyê, pîya ser bikewê."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim