Sûriye dê li Herêma Kurdistanê konsulxaneyekê veke: Heyet li Hewlêrê ye

Dîroka Weşanê: 2 ay önce

Heyeteke pilebilind a Wezareta Karên Derve ya Sûriyeyê gihîşt Herêma Kurdistanê da ku pêvajoya vekirina konsulxaneyekê li Hewlêrê bide destpêkirin.

Amîda Kurdî - Muhemmed Yaqûb Omer, Rêveberê Karên Konsulxaneyî li Wezareta Karên Derve û Koçberan a Sûriyeyê, got: "Li gorî talîmatên Wezîr, em bi heyeteke Wezareta Karên Derve û Koçberan re ber bi Hewlêrê ve diçin da ku gava yekem ji bo vekirina Konsulxaneya Sûriyeyê biavêjin."

Bi deh hezaran welatiyên Sûriye û Rojavayê Kurdistanê li bajarên cuda yên Herêma Kurdistanê dijîn. Hebûna konsulxaneyekê li Hewlêrê ji bo sivikkirina wan zehmetiyên ku ev welatî di warê nûkirina pasaportan û karûbarên belgeyên fermî de rûbirûyê wan dibin, xwedî girîngiyeke mezin e.

Herwiha tê payîn ku ev gav beşdariyê di pêşxistina pêwendiyên di navbera Hewlêr û Şamê de li ser astên cuda yên sektoran bike.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim