Şaredarîya Amedî daşinasnayîşê JIN MAP’î kerd
Şaredarîya Amedî ya Şaristanê Girdî, seba ke ewleyîya cinîyan bipawo û hewcedarîyanê înan bîyaro ca, aplîkasyonê JIN MAP’î da şinasnayene.
Kaynak: Amîda Kurdî
AMÎDA KURDÎ - Lansmanê nê aplîkasyonî bi perspektîfê “Şaristanê Cinîyan”, bi amadekarîya Serekîya Daîreyê Polîtîkayanê Cinîyan û Serekîya Daîreyê Zanakirarî otelêkê şaristanî de virazîya.
Sereka Daîreyê Polîtîkayanê Cinîyan Ozden Gurbuz Sumer qiseykerdişê xo de wina vat: “Amancê ma no yo ke cinîyî her qada cuye de bîbê kirdeyê aktîfî. Bi JIN MAP’î, ma parke, ding û rayanê şewe goreyê tecrubeyanê cinîyan newera virazenê. Ma xerîteya herêmanê bitehlukeyan vejenê û seba qadanê bêewlehîyan platformêko dîjîtal awan kenê.”
Seba şaredarîyanê bînan bîye model
No aplîkasyono ke bi şirîktîya Serekîya Daîreyê Teknolojîyanê Zanakirarî amade bîya, qada mîyanneteweyî de zî eleqa dî. Sumer dîyar kerd ke na xebate “Programê Şaristananê Dostanê Cinan” de ca girewto û bi piştgirîya Yewîya Ewropa û UNFPA’yî, seba 24 şaredarîyanê bînan bîya nimûne.
Şîrove Bike
- 6 ay önce
Şîrove