Şankuş de qalindîya vewre 3 metreyan vîyarna

Dîroka Weşanê: 2 ay önce

Amed de nê demanê peyênan de zimistano xizdar vîyareno, qezaya Şankuşî de vewre tesîrêko xirab cuya rojane ser o kena.

AMÎDA KURDÎ -Qezaya Amedî Şankuş de nezdîya hefteyêk o vewre varena, zimistano tewr giran ê serranê peyênan yeno cuyayene.

Vewra zêde qeza de cuyayîş ard nuqteya vindertişî û rayîrê dewan resayîşî rê ameyî girewtiş. Mehleya Avutî de qalindîya vewre 3 metreyan vîyarna.

Muxtarê Mehleya Avutî Îbrahîm Aydogduyî derheqê babete de qisey kerd û wina va: "Mehleya ma de demo tewr şîdetin ê zimistanî yeno cuyayene. Rayîrê mehleyanê ma herçiqas ke hetê ekîban ra yenê akerdene zî semedê vewre û qeşa ra reyna resayîşî rê yenê girewtene. Dem dem vewres keweno rayîran û resayîş beno erey. Qalindîya vewre nika 3 metreyan vîyarna."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim