Rapora Amedê: Ji sedî 90ê jinan bêkar in
Anketa ku li Amedê hatiye çêkirin ku bi nêzîkî 3 hezar jinan re hevpeyvîn hatiye kirin, rêjeya xizaniya jinan eşkere kir.
AMÎDA KURDÎ - Yekîtiya Şaredariyên Başûrê Rojhilat a Anatolyayê (GABB) "Rapora Lêkolîna Nexşeyî ya Xizaniya Jinan a Amedê" amade kir. Di çarçoveya vê raporê de, hevpeyvînên rû bi rû bi 2,975 jinan re li navçeyên Rezan, Peyas û Sûrê hatine kirin. Hevpeyvînên berfireh bi 29 jinan re hatine kirin.
Xizaniya li Amedê zêde ye
Lêkolîna ku li 12 taxên navendî yên Amedê ku yek jê jî li navçeya herî feqîr a Amedê hatiye kirin de eşkere bû ku ji sedî 46ê jinên li navçeyê, xwedî dahatekê nîn in. Hat destnîşankirin ku Ji sedî 90ê wan di karekî ku dahatê çêdike de naxebitin. Di raporê de hat destnîşankirin ku xwedîkirina zarokan sedema sereke ye ku jinên li Amedê beşdarî di karekî de naxebitin.
Ji sedî 10ê wan nikarin kar peyda bikin
Li navçeya dîrokî ya Sûrê, lêkolîn rû bi rû bi 782 jinan re li 19 taxan hate kirin. Di hevpeyvînan de, ku rêjeya temenî 40 bû, hate eşkerekirin ku ji sedî 47ê jinan dahata mehane tune bû. Li Sûrê, raporê nîşan da ku ji sedî 89ê jinan di tu karekî nake.
Qismeke navçeya Peyasê çêtir e
Li Peyasê ku koma dahatê bi giştî li gorî navçeyên din çêtir e, anketek bi 1,123 jinan re li 8 taxan hate kirin. Hat destnîşankirin ku ji sedî 16.1ê jinên li Peyasê dahata wan a şexsî tune bû û ji yên ku hebûn, Ji sedî 63ê wan di navbera 0 û 22,103 lîre de qezenc dikirin.
Şîrove Bike
- 6 ay önce
Şîrove