Peyamek nû ji PKKê: Em amade ne ku vegerin
Salek ji ser biryara PKKê ya xwe-hilweşandinê re derbas bû. Her çend tê payîn ku piştî pejirandina rapora komîsyona parlementoyê ku dê vê mehê gavên yasayî werin avêtin jî, peyamek ji Qendîlê hat.
Piştî banga Abdullah Ocalan a di 27ê Sibata 2025an de, PKKê di Kongreya xwe ya 12emîn de biryar da ku rêxistinê hilweşîne û têkoşîna çekdarî bi dawî bike.
Biryara hilweşandinê ya ku di 12ê Gulanê de ji raya giştî re hate ragihandin, diyar kir ku "biryara PKKê ya xwe-hilweşandinê û bidawîkirina têkoşîna çekdarî bingehek xurt ji bo aştiyek mayînde û çareseriyek demokratîk peyda dike."
'Divê gavên yasayî werin avêtin'
Di salvegera yekem a biryara hilweşandinê de daxuyaniyek ji aliye Mustafa Karasu re hat dayîn, daxwaza PKKê ya avêtina gavên ber bi statuyek yasayî ve anî ziman.
Karasu wiha got: "Ji destpêka pêvajoyê ve ye ji aliyê hemû aliyan ve dihat zanîn ku danîna çekan bi tevahî û ketina nav siyaseta demokratîk dê bi gavên yasayî pêk were.
Ji ber vê yekê, gavên yasayî yên ku dê werin avêtin û pergala yasayî ya ku dê were damezrandin dê çi be, tê nîqaşkirin."
Şîrove Bike
- 6 ay önce
Şîrove