Pêngaveke zimanê Kurdî li Sûriyeyê: Li Mabetayê tabloyeke Kurdî
Rêveberiya Sûriyeyê erê kir ku li bajarokê Mabetayê yê Efrînê tabloyeke bi zimanê Kurdî hate danîn. Zimanê Kurdî li tabloyê hate zêdekirin ku berê tenê bi Tirkî û Erebî bû. Ev gav di wê demê de hate avêtin ku Fermandarê Giştî yê HSDyê Mazlûm Ebdî li Şamê bû.
Amîda Kurdî - Ji bo zimanê Kurdî li qada giştî ya Sûriyeyê de gaveke nû hate avêtin. Rêveberiya Şamê razî bû ku li bajarokê Mabetayê yê Efrînê tabloyeke bi zimanê Kurdî were danîn ku berê bi Tirkî û Erebî bû. Hate ragihandin ku ev pêngav di dema serdana Fermandarê Giştî yê Hêzên Sûriyeya Demokratîk (HSD) Mazlûm Ebdî ya bo Şamê de pêk hatiye.
Danûstandinên derbarê statuya Kurdî de berdewam in
Serokê Sûriyeyê Ehmed Şara, di Fermana Serokatiyê ya hejmar 13an a ku di 16ê Çileya 2026an de hatibû derxistin de, zimanê Kurdî wekî "zimanekî neteweyî" nas kiribû û Kurd wekî beşeke bingehîn û neqetandî ya gelê Sûriyeyê pênase kiribû. Herwiha ew ferman destûrê dide ku zimanê Kurdî di perwerde û çalakiyên çandî de li herêmên ku nifûsa Kurd lê zêde ye, were bikaranîn.
Dema ku Mazlûm Ebdî di 21ê Tebaxê de bidawîhatina pêvajoya entegrasyonê ragihand, rêveberiya Şamê jî derbasbûna ji qonaxa lihevkirinê bo pêkanîna pratîkî ya li qadan ragihand.
Pêngava danîna tabloyeke bi zimanê Kurdî li Mabetayê, piştî van pêşhatan û wekî beşek ji çareserkirina mafên zimanî û çandî yên Kurdan di çarçoveya pêkhateya siyasî ya nû ya Sûriyeyê de, hate avêtin.
Şîrove Bike
- 6 ay önce
Şîrove