Partiya DEMê: Bila Komar bidome û demokrasî xurt bibe

Dîroka Weşanê: 5 gün önce

Hevserokên Partiya DEMê, Tulay Hatimogullari û Tuncer Bakirhan, derbarê 29ê Cotmehê (Roja Komarê) de daxuyaniyek dan: "Armanca me ew e ku em têgeha Komarê nûjen bikin û bi demokrasiyê tacîdar bikin. Bila Komar bidome û demokrasî xurt bibe."

Amîda Kurdî - Hevserokên Partiya Wekhevî û Demokrasiya Gelan (Partiya DEMê), Tulay Hatimogullari û Tuncer Bakirhan, bi boneya 29ê Cotmehê Roja Komarê, daxuyaniyeke nivîskî weşandin.

Di daxuyaniyê de hat gotin, "Fikra damezrîner a Komarê bi qîmet e lê divê li gorî pêdiviyên roja me were nûjenkirin." Her wiha hat diyarkirin, "Bi vê perspektîf û nêzîkatiyê, em armanc dikin ku têgeha Komarê nûjen bikin û bi demokrasiyê tacîdar bikin. Azadî divê ne tenê ji bo çend kesên bijartî be; divê ya hemûyan be. Dema ku wekhevî, dadmendî û azadî bi hev re bên misogerkirin, wê demê Komareke Demokratîk dê bibe mala hevpar a me hemûyan."

Hevserokên Partiya DEMê her wiha gotin:

"Berpirsiyariya me hemûyan e ku em rê li ber aştiyê, siyaseta demokratîk û lihevkirina civakî vekin.

Di vê sedsala duyemîn de, bila Komar bidome, demokrasi bi awayekî xurt were avakirin û biratiya gelan her bimîne û bidome."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim