Ozel: Ganî heqê Kurdan bêrê dayîş

Dîroka Weşanê: 7 ay önce

Serekê Pêroyî yê Partîya Şarî ya Komare (CHP) Ozgur Ozel, "Konferansê Aştî û Demokrasîya Cimatkî" yo ke Stenbol de ame viraştene de qisey kerd.

AMÎDA KURDÎ -Serekê Pêroyî yê CHPyî Ozgur Ozelî Stenbol de "Konferansê Aştî û Demokrasîya Cimatkî" de qisey kerd. Ozelî va, "Persa Kurdan barêko giran ê cimatkî yo, ma wazenê binê banê parlamentoyî de çareser bikerê."

Ozelî serê xeylê babetanê krîtîkan ê sey Persa Kurdan, averşîyayîşê Sûriye, tayînkerdişê qayûman û krîzê huqûqî de peyamî dayî.

Ozelî va, "Ma têkoşîn kenê ke wa na rey emperyalîstî ney, merdimê nê erdi serbikewê."

"Persa Kurdan barêko giran ê cimatkî yo"

Ozgur Ozelî bale ante serê berpirsîyarîya tarîxî ya CHPyî ya çareserkerdişê Persa Kurdan de û îfade kerd ke na babete barêko giran o ke nesîl bi nesîl yeno verdayene.

Serekê Pêroyî yê CHPyî Ozelî wina dewam kerd:

"Na babete barêko giran ê cimatkî yo ke bi desan serran o yeno verdayene. Miletê ma êdî wazeno nê barî ra bixelisîyo, teror biqedîyo û demokrasîye  bibo.

Ma wazenê na perse binê banê parlamentoyî de, bi hawayêko şefaf û bi cesaret çareser bikerê."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim