Ozdagî rê seba heqaretê Şêx Seîdî cezaya pereyan

Dîroka Weşanê: 7 ay önce

Serekê Pêroyî yê Partîya Zaferî Umît Ozdag, seba heqaretê ke medyayê sosyale ser o Şêx Seîdî rê kerdbi, bi 6 hezar û 500 TL ame cezakerdene.

AMÎDA KURDÎ - Serekê Pêroyî yê Partîya Zaferî Umît Ozdag, seba parekerdişêkê xo yê medyayê sosyale yê derheqê Rayberê Kurdan Şêx Seîdî de, ci rê 6 hezar û 500 lîrayê Tirkî cezaya pereyi amey birnayene.

Torinanê Şêx Seîdî, seba parekerdişê Umît Ozdagî yo ke tede heqaretê Şêx Seîdî kerdbi, 9ê Teşrîna 2024î de muracatê mehkeme kerdbi û gerre kerdbi.

Nê gerreyî ser o, Mehkemeya Cezaya Aslîye ya Xinûsî ya Wîlayetê Erziromî de dewa amebî akerdene.

Roniştişê qerarî yê dewa vizêr ame vînayîş û mehkeme qerarê xo eşkera kerd.

Mehkeme îfade kerd ke parekerdişo ke hesabê Xî yê bi nameyê “umitozdag”î ra ameyo kerdene, sûcê “bi awayêko eşkera heqaretkerdişê yadê merdeyî” ardo ca. Onca mehkeme heqê gerrekerdişî yê torinanê Şêx Seîdî zî heqlî dî.

Netîceya dewa de, mehkeme 6 hezar û 500 lîrayê Tirkî (nezdîya 150 dolarê Amerîkî) ceza Umît Ozdagî rê birna.

Umît Ozdag, bi nîjadperestîye û vera-Kurdbîyayîşî yeno naskerdene. O zaf rey eşkerayîyanê xo û parekerdişanê xo yê medyayê sosyale de şexsîyet û rayberanê Kurdan keno hedef û heqaretê ercanê Kurdan keno.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim