Nîmet Kiliç 13 roj in li Amedê winda ye
Li navçeya Çinarê ya Amedê lêgerîna Nîmet Kiliçê didome ku ev 13 roj in winda ye.
AMÎDA KURDÎ - Nîmet Kiliç, dayika du zarokan ji 21ê Kanûna Paşîn ve ye ji mala xwe ya li Taxa Kubacikê ya navçeya Çinarê derketiye, pişt re tu agahî jê nehatiye girtin. Lêgerîna Kiliçê didome.
Bi tevahî 303 personel ji AFAD, SAK, JAK, DUAK û saziyên din beşdarî xebatên lêgerînê bûn ku xebatên xwe li deverên gundewarî û zozanan didomînin. Di van xebatan de helîkopterek û 11 dron têne bikar anîn. Rewşa hewaya heyî li ser lêgerînê bandorê dike. Ev 13 roj in lêgerîn didome lê tu şopêk jina winda nehatiye dîtin.
Nîmet Kiliç ku li taxa gundewarî ya Kubacık a Çinar dijiya di 21ê Kanûna Paşîn de saet di 05:12an de ji mala xwe derket. Mêrê wê, Şeyhmus Kiliç, ferq kir ku ew ne di nav nivînan de ye û pêşî cîranên xwe agahdar kir û paşê serî li saziyên dewletê da. Tîmên ku ji herêmê re hatine şandin ji bo dîtina jinê operasyonek lêgerînê dane destpêkirin.
Şîrove Bike
- 6 ay önce
Şîrove