Mîkaîl Aslan li Amedê konsereke bê pere çêdike

Dîroka Weşanê: 4 ay önce

Hunermendê Kurd Mîkaîl Aslan ragihand ku ji ber qerebalixiya bernameyê ji wan re hatiye gotin ku ew çalakiyên ku di çarçoveya Cejna Zimanê Kurdî de hatibûn plankirin pêk nayên û ew ê jî konsera xwe ya li Amedê li derve û bê pere pêk bînin.

Mîkaîl Aslan da zanîn ku destpêkê dema konserê wekî 15ê Gulanê li Navenda Çandê ya Sezai Karakoç a Amedê hatibû plankirin lê ji ber çalakiyên Cejna Zimanê Kurdî yên di heman rojê de, dema konserê guherî ye.

Mîkaîl Aslan di daxuyaniya xwe de wiha got:

“Ji ber van pêvajoyên bipaşxistin û betalkirinê em li hemberî gel û guhdarên xwe yên hêja gelekî mehcup bûne û em lêborîna xwe dixwazin.

Ji bo ku em vê neyîniyê piçekî jî be telafî bikin, me biryar daye em konsera xwe ji her kesî re vekirî û wekî konsereke gel a bê pere li dar bixin.

Bi hêviya ku em 1ê Hezîranê demjimêr 20:00an li Qada Şêx Seîd li derve werin ba hev.”

0

Begendim

0

Bayildim

0

Komik

0

Begenmedim

0

Uzgunum

0

Sinirlendim