Civak & Jiyan

Mehmet Emin Bozarslan koça dawî kir

Dîroka Weşanê: 2 ay önce

Mehmet Emin Bozarslan ku nivîskar û wergêr bû û li navçeya Licê ya Amedê ji dayik bibû li Swêdê koça dawî kir. Mehmet Emin Bozarslan bi xebatên xwe yên li ser zimanê Kurdî û pirsgirêka Kurd dihat nasîn.

AMÎDA KURDÎ - Mehmet Emin Bozarslan ku di sala 1934an de li navçeya Licê ya Amedê ji dayik bû, bi xebatên xwe yên li ser ziman, wêje û pirsgirêka Kurd tê nasîn, îro li Uppsala ya Swêdê piştî 45 salan li sirgûnê koça dawî kir. Mirina wî li Amedê û cîhana wêjeyî û ya rewşenbîrî ya Kurdî de bo sedema xemgîniyeke mezin.

Bozarslan, ku li medreseyek (dibistanek olî) perwerde dîtiye, di temenê xwe yê dereng de Tirkî hîn bûye; dibistana seretayî qedandiye û di sala 1956an de bûye muftî. Li navçeyên Hênê û Pasûrê yên Amedê, her wiha li Meletî wekî muftî xebitiye û di vê heyamê de du caran ji karê xwe hatiye avêtin. Paşê, di weşan û rojnamegeriyê de xebitiye, li Weşanxaneya Arkın û rojnameya Gunaydın wezîfe girtiye; di navbera salên 1961 û 1971an de bûye endamê desteya edîtoriyê ya Ansîklopediya Cumhuriyetê.

Bozarslan, ku ji ber wergerandina Mem û Zîn a Ehmedê Xanî hate darizandin lê beraet kir, di sala 1979an de li Swêdê bi cih bûye. Li wir, wî berhemên ku bi taybetî ji perspektîfên dîrokî, aborî û civakî ve li ser pirsgirêka Kurd disekinin nivîsandine. Berhema wî ya ‘Pirsgirêkên Rojhilatê’, hîn jî wekî çavkaniyek bingehîn a ku rastiyên herêmê vedibêje tê hesibandin. Bi xebatên xwe yên li ser alfabeya Kurdî wî di parastin û pêşxistina zimanê Kurdî de roleke girîng lîst.