Koma Amed dê li Harbiyê konserê bide

Dîroka Weşanê: 2 hafta önce

Koma Amed, yek ji komên girîng ên muzîka Kurdî, dê di dawiya meha Îlonê de li Stenbolê konserê bide. Kom dê 30ê Îlonê li Harbiye Cemil Topuzlu derkeve pêşberî hezkiriyên xwe.

Amîda Kurdî – Li gorî bernameya Çand û Hunerê ya Şaredariya Mezin a Stenbolê, konsera Koma Amed dê bibe programa dawî ya meha Îlonê li Harbiyê.

Koma Amed di sala 1988an de hate damezrandin û di dîroka muzîka Kurdî de cihekî girîng digire. Albûma yekem a komê, Kulîlka Azadî, di serdemeke ku zimanê Kurdî li Tirkiyeyê qedexe bû de, bi awayekî veşartî hate belavkirin.

Koma Amed piştî salên dirêj belav bûbû. Piştî nêzîkî 30 salan, endamên komê dîsa li hev civiyan.

Kulîlka Azadî, Agir û Mirov û Dergûş di nav albûmên sereke yên Koma Amed de ne.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim