Karayilan eşkere kir: Heta niha çend endamên PKKê jiyana xwe ji dest dane?
Endamê PKKê Karayilan ragihand ku "di navbera salên 1976 û 2026an de 25,922 endamên PKKê jiyana xwe ji dest dane û heger kesên ku bi awayekî fermî nehatine tomarkirin jî werin hejmartin, ev hejmar digihîje nêzîkî 27 hezaran."
Amîda Kurdî – PKKê vê dawiyê nasnameyên 230 endamên xwe yên ku jiyana xwe ji dest dabûn û yên li ser nifûsa Amed, Wan, Gever, Cizîr û Mêrdînê ne, eşkere kir.
Karayilan bal kişand ser wê yekê ku hîn endamên din ên PKKê hene ku mirina wan nehatiye ragihandin û 520 endam li benda ragihandinê ne û wî wiha got:
"Me berê jî ev mijar ji gelê xwe û raya giştî re anîbû ziman. Tevgera me, bi taybetî di 10 salên dawî de, rûbirûyê êrîşên mezin ên tunekirinê bûye. Em di nava şerekî pir dijwar de bûn. Dema ku şer berdewam dikir, em neçar man ku pergalên xwe yên ragihandinê rawestînin da ku em ewlehiya hevalên xwe biparêzin. Ji ber vê yekê, agahiyên derbarê mirina gelek hevalên me de di wextê xwe de negihîştin navenda me. Tenê niha ji me re pêkan bû ku em vê yekê ji raya giştî û malbatan re ragihînin. Ez hêvî dikim ku gelê me û bi taybetî malbatên hêja yên şehîdan vê rewşê fêm bikin. Herwiha ez bawer im ku ew ê fêm bikin."
"Di nava 50 salan de ango ji sala 1976an heta 2026an bi giştî 25,922 şehîdên me hene."
"Em şehîdên xwe bi awayekî komî radigihînin, dibe ku ev yekem car wiha be. Şehîdên me yên yekem di sala 1976an de bûn. Di navbera salên 1976 û 1983yan de 173 şehîdên me hene. Di navbera salên 1984 û 2000î de 13,778 şehîdên me hene.
Di navbera salên 2001 û 2026an de 7,949 şehîdên me hene." Di navbera salên 2015 û 2026an de, rêxistina YPSê 760 şehîd dan, hemû jî li Bakurê Kurdistanê şehîd ketin. Wekî tê zanîn, me li dijî DAIŞê jî çalakî pêk anîn bi taybetî li Rojavayê, bi taybetî li Şengal û Kobaniyê, herwiha li Kerkûk û Mexmûrê. Lêbelê, me ew şehîd di nava hejmara "Bakur" de dabeş kirine. Tevî vê yekê, di şerê li dijî DAIŞê de li Kobanî, Rojava û Şengalê 3,262 şehîdên me hene. Di nava heyama 50 salan de ango ji sala 1976an heta 2026an bi giştî 25,922 şehîdên me hene.
Şîrove Bike
- 6 ay önce
Şîrove