Ji Walîtiya Mêrsînê daxuyanî: Êrîşkarê Baran Abdî hat binçavkirin
Baran Abdî ku ji Kobaniyê ye, li navçeya Tarsusê ya Mersînê li balkona xwe xwepêşandanên li dijî êrîşên li ser Kurdên Sûriyeyê temaşe dikir, piştî ku guleyek li serê wî ket mir. Walîtiyê daxuyaniyek da.
AMÎDA KURDÎ - Di xwepêşandanekê de li navçeya Tarsusê ya Mersînê, Baran Abdî, ku piştî êrîşa DAIŞê ya 2014an dema ku 10 salî bû bi malbata xwe reviya Tirkiyeyê, tê îdiakirin ku dema ku li balkona mala xaltiya xwe bû xwepêşandan temaşe dikir, bi guleyekê hat kuştin. Gule ji tifinga kesekî bi navê H.K. yê derket. Tê îdiakirin ku H.K. endamê MHPê ye.
Êrîşkar û kurê wî hatin binçavkirin
Baran Abdîyê 24 salî, li nexweşxaneya ku ew birinê mir. Walîtiyê ragihand ku H.K. û kurê wî A.K., hatin binçavkirin.
Daxuyanîya Walîtiyê
Derbarê bûyerê de daxuyanîya Walîtiyê ya Mersînê ev e:
"Di 25ê Kanûna Paşîn 2026an de, derdora saet 19:00an de, Serokatiya Navçeya Tarsusê ya Partiya DEMê li Taxa Gazîpaşa ya navçeya Tarsusê ji bo protestokirina bûyerên li Sûriyeyê, xwepêşandaneke bê destûr li gel beşdariya nêzîkî 100 kesan hate lidarxistin. Piştî danûstandinan, girse derdora saet 20:20an belav bû.
Li gel dawîbûna xwepêşandana bê destûr, komek kes ketin baxçeyê xaniyekê, ku bû sedema nîqaşekê di navbera xwediyê xanî û komê de. Xwediyê xanî gule ber bi hewayê ve teqand. Guleyek li B. A. (di sala 2002an de li Helebê ji dayik bûye) ket û ew li nexweşxaneyê mir.
Piştî bûyerê, H.K. û kurê wî A.K., bi çekan re hatin binçavkirin. Lêpirsîn bi baldarî berdewam dike.
Bi rêzdarî ji raya giştî re tê ragihandin."
Şîrove Bike
- 6 ay önce
Şîrove