Ji şaredariyê daxuyaniya zêdekirina bihayên taksiyên bazirganiyê
Şaredariya Bajarê Mezin a Amedê li ser daxwaza şofêrên taksiyên bazirganiyê bo zêdekirina bihayê tarîfeyan roj diyar kir.
AMÎDA KURDÎ - Şofêrên taksiyên bazirganiyê yên li Amedê ku demek dirêj e li benda guhertina rêziknameyê û tarîfê ne îro bi konvoyekê xwepêşandaneke din li dar xistin.
Şaredariya Bajarê Mezin a Amedê dîrok diyar kir
Şaredariya Bajarê Mezin a Amedê jî li ser vê mijarê daxuyaniyek da. Şaredariyê diyar kir ku ew xizmeta ku li bajêr tê pêşkêş kirin û rewşa aborî ya welatiyan li ber çavan digirin û diyar kir ku daxwaz û pêşniyar ji hêla Daîreya Veguhastinê ve têne nirxandin û daxuyaniyek wiha da:
"Li gorî nirxandinên hatine kirin, biryarek derbarê guhertina tarîfeyê de dê di 9ê Adara 2026an de were ragihandin. Lêkolînên berdewam ên li ser vê mijarê dê di zûtirîn dem de werin temam kirin û hûrgulî dê bi awayekî zelal bi raya giştî re werin parvekirin. Şaredariya Bajarê Mezin a Amedê maf û berjewendiyên hem welatiyan û hem jî esnafan li ber çavan digire, xebata xwe ya di veguhestina bajarî de didomîne."
Şîrove Bike
- 6 ay önce
Şîrove