Ji Amerîka û Îranê agirbesteke du hefteyî

Dîroka Weşanê: 1 hafta önce

Hat ragihandin ku hevdîtinên bi navbeynkariya Pakistanê bû encama agirbestê. Piştî agirbesta du hefteyan a ku ji hêla Donald Trump ve hat ragihandin, Qesra Spî wekî ‘serkeftinê’ nirxand û di heman demê de aliyê Îranî jî ew wekî serkeftinekê ragihand.

AMÎDA KURDÎ - Peymana agirbestê ya di navbera Amerîka û Îranê de bûye mijarek sereke di rojeva cîhanê de. Serokwezîrê Pakistanê Şehbaz Şerîf got, "Ez kêfxweş im ku radigihînim ku Îran û Amerîka, digel hevalbendên xwe, li hemî eniyan gihîştine agirbestekê ku demildest dikeve meriyetê." Konseya Bilind a Ewlekariya Neteweyî ya Îranê diyar kir, ‘Serkeftinek dîrokî bi dest xistiye.’

Berdevka Qesra Spî Karoline Leavitt ev yek wekî ‘serkeftinek ji bo Amerîkayê’ bi nav kir. Di daxuyaniya xwe de, Leavitt bal kişand ser serkeftina Donald Trump û artêşa Amerîkayê û destnîşan kir ku vê pêvajoyê rê li ber çareseriyek dîplomatîk vekiriye. Daxuyaniyê zêde kir ku destkeftiyên leşkerî li ser maseya danûstandinan ji bo Amerîkayê avantajên girîng peyda kirine.

Mîmarê agirbestê: Pakistan

Şehbaz Şerîf ragihand ku bi navbeynkariya welatê wî, di navbera Amerîka, Îran û hevalbendên wan de agirbestek demildest hatiye îmzekirin. Şerîf hêviyên xwe ji bo aştiyeke mayînde anî ziman û alî vexwend danûstandinên berfireh ku di 10ê Nîsanê de li Îslamabadê pêk were.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim