Hunermenda Kurde Yelda Ebasî erzîyaya hepisxane

Dîroka Weşanê: 7 ay önce

Hunermenda Kurde Yelda Ebasî ya ke Almanya de ciwîyena, wexto ke şîbî zîyaretê keyeyê xo yê bajarê Meşhedî yê Îranî, hetê hêzanê rejîmî ra erzîyaya hepisxane

AMÎDA KURDÎ - Rêxistina Heqanê Merdiman a Hengawî da zanayîş ke, hunermenda Kurde Yelda Ebasî, wexto ke seba zîyaretê keyeyê xo şîya Xorasan, bajarê Meşhedî de ameya tepiştiş.

Endamê Rayberdoxîya Rêxistina Heqanê Merdiman a Hengawî Erselan Yarehmedî, Rûdawî rê qisey kerd û derheqê hedîseyî de malumat da. Yarehmedî wina va: “Yelda Ebasî 23ê na aşme de, hetê hêzanê asayîşî ra, keyeyê dayîka xo de ameya tepiştiş.”

Erzîyaya hepisxane

Erselan Yarehmedî da zanayîş ke hêzanê asayîşî dima ke Yelda Ebasî destbend kerda, a berda Hepisxaneyê Wekîlawadî yê Meşhedî.

Yelda Ebasî ya ke hunermendêka Kurda Xorasanî ya, dayîka gedeyê 18 aşmî ya û seba tetîlê serra neîye bi mêrde û gedeyê xo reyde şîbî zîyaretê keyeyê xo.

Sebebê cezakerdişî

Yarehmedî derheqê sebebê girewtişê aye de îfade kerd ke dima destbendkerdişî aye rê ameyo vatiş ke; dosyaya ke pabesteyê çalakîyanê aye yê wextê protestoyanê serra 2022yî ya, bê ke a amade ba seba aye cezayêka zîndanî ya yew serre ameya birnayîş û nika a ceza yeno caardene (înfazkerdene).

0

Begendim

0

Bayildim

0

Komik

0

Begenmedim

0

Uzgunum

0

Sinirlendim