HSD hat fesihkirin, hat îdiakirin ku dê endamên wê werin Tirkiyeyê
Hat îdiakirin ku piştî biryara hilweşandinê, rewşa welatiyên Tirkiyeyê yên di nava Hêzên Sûriyeya Demokratîk (HSD) de zelal bûye û Mezlûm Ebdî û Ehmed Şara derbarê vekişîna nêzîkî 1200 endaman ji Sûriyeyê li hev kirine.
Amîda Kurdî - Li gorî wê rêkeftina di navbera Hêzên Sûriyeya Demokratîk (HSD) û rêveberiya Şamê de hatiye kirin, rewşa nêzîkî 2000 endamên PKKê yên ku ne welatiyên Sûriyeyê ne hatiye diyarkirin. Tê ragihandin ku li gorî rêkeftina bi Şamê re û ligel biryara hilweşandina HSDê, beşek ji van kesan dê derbasî Herêma Kurdistanê bibin û beşek jê jî dê derbasî Tirkiyeyê bibin.
Çarenûsa 1200 kesan zelal bû
Li gorî wê têgihiştina di navbera Fermandarê Giştî yê HSDê Mezlûm Ebdî û Ehmed Şara de hatiye bidestxistin, biryar hatiye dayîn ku hêmanên çekdar ên ku ne welatiyên Sûriyeyê ne, ji welêt werin derxistin.
Li gorî raporteke Nefesê ku pişta xwe dide çavkaniyên ewlehiyê, nêzîkî 2000 endamên PKKê yên xwedî hemwelatiya Tirkiyeyê di nava HSDê de hene. Tê gotin ku nêzîkî 800 kes ji van kesan dê vegerin deverên Herêma Kurdistanê.
Plan hene ku vegera nêzîkî 1200 kesên ku hatiye tesbîtkirin di tu pevçûnên çekdarî de cih negirtine, di çarçoveyeke yasayî de bo Tirkiyeyê hêsan bikin.
Şîrove Bike
- 6 ay önce
Şîrove