Heyetê Dayîkanê Aştî Gelecek Partî zîyaret kerd

Dîroka Weşanê: 4 ay önce

Heyetêkê Dayîkanê Aştî çarçewaya prosesê Aştî de Gelecek Partî zîyaret ker û Serekê Pêroyî Ahmet Davutoglu reyde ameyê têhet.

Heyetê Dayîkanê Aştî bi munasebetê Roja Dayîkan, çarçewaya prosesê Aştî de zîyaretanê xo yê partîyanê sîyasîyan reyde domneno. Çarçewaya nê zîyaretan de heyetê Dayîkanê Aştî ke Behîye Yalçin, Afîfe Kartal û Muzeyyen Butun ra yeno pê, Verfeka DEM Partî Ayşegul Dogan û parlamentera DEM Partî Adalet Kaya reyde Gelecek Partî zîyaret kerd. Zîyaret Merkezê Pêroyî yê Gelecek Partî de ame kerdene.

Heyetê Dayîkan Serekê Pêroyî Ahmet Davutoglu reyde kombîyayîşêk viraşt. Hetkara Serekê Pêroyî yê Gelecek Partî Halîme Polat, Burçak Başbug, Mudira Qelemê Taybet Esra Şahîn û Şewirmenda Polîtîkayanê Teberî Sevînç Ozcan zî kombîyayîşî de amade bîyî. Dayîkanê Aştî tîya de zî Mexmela sipî dîyarîyê Davutogluyî kerd.

Dayîkê Aştî badê cû Meclîs de Grûba AKP’yî zîyaret kerd. Heyetê Dayîkanê Aştî  badê zîyaretanê partîyanê sîyasîyan, vernîya Wezaretê Edaletî de eşkerayîyêka çapemenî da û seba pêvînayîşê Kurdî Abdullah Ocalanî muracat kerd.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim