Heqê pakkerdişê keyeyan bîyo zêde: 4 saetî 2 hezar TL

Dîroka Weşanê: 7 ay önce

Zêdebîyayîşê mesrefanê cuyayîşî û meaşê asgarî, heqê pakkerdişê rojaneyî yê keyeyan zî kerd zêde. Xizmetê 4 saetan bîyo 2 hezar TL, keyeyanê girdan de fiyet reseno 6 hezar TL.

AMÎDA KURDÎ – Wexto ke meaşê asgarî zêde bi, heqê pakkerdişê keyeyî yê rojaneyî zî zêdîya. Semedo ke sektor de tarîfeyêko standart çin o, fiyetî zaf bedilyenê.

Keyeyanê stûdyo û 1+1an de heqê pakkerdişê 4 saetan 2 hezar lîra ra dest pêkeno. Ame vatene ke keyeyanê 3+1an de fîyet heta 6 hezar lîra vejîyeno.

Tarîfeyo standart çin o

Pakkerdişê rojaneyî de fîyet; goreyê girdîya keyeyî, zêdebîyayîşê eşyayan û tewirê pakkerdişî yeno bewlîkerdiş.

Utî, werd û ciewnîyayîşê domanan "karê îlawe" yê

Serranê peyênan de xebatkarê pakîye, teberê pakkerdişî de seba karanê bînan ucreto zêde wazenê. Karê sey utî, werdpewtiş yan zî ciewnîyayîşê (pawitişê) domanan sey "xizmeta îlawe" yenê vînayîş. Seba nê karan pereyo cîya yeno waştene û ame îfadekerdene ke tayê xebatkarî nê karan bi temamî red kenê.

Hûmara hemam û metbaxan fiyetî berz kena

Goreyê xebera ke çapemenîye de ca girewta, hûmara odeyan û hemaman fiyetî ser o tesîr kena. Semedo ke pakkerdişê mitbax û hemaman zaf wext gêno, keyeyanê ke di hemamê înan estê de, ucret berzêr beno. Ancî pakkerdişê keyeyê vengî, pakkerdişê dima înşaatî, vîlla û ofîsan de zî fiyetî zêde bîyê.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim