Gimgim de panelê "Zon û Vajor": Ozkal do bi Zazakî qisey bikero

Dîroka Weşanê: 7 ay önce

Gimgim de bi tewrbîyayîşê nuştox û perwerdekaran, roja 1ê Adare de derheqê ziwan û kulturî de panelêk yeno viraştene. Nuştox Haci Ozkal do panel de bi Zazakî qisey bikero.

AMÎDA KURDÎ - Gimgim de bi nameyê "Zon û Vajor" panelêko muhîm yeno viraştene. Panel do roja 1ê Adare, saete 12:00 de bînaya Partîya DEMî ya Gimgimî de dest pêbikero.

Meqsedê panelî o yo ke bala merdiman bianco serê muhîmîya ziwanî. Seke afîşê çalakîye de zî yeno vatiş; ziwan ne tenê hacetê qiseykerdişî yo, o eynî wext de ganê miletî û binyatê kulturî yo.

Panelîst û Moderator:

Moderator: Muşerref Dag

Kirîstîn Ozbey

Haci Ozkal (Nuştox û Perwerdekar - do bi Zazakî qisey bikero)

Erol Koçer

Selamettîn Yılmaz

Na çalakîye bi paştîdayîşê Komeleya Wêjekarên Kurd, Şaredarîya Gimgimî, TJA û DBPî yena viraştene. Heme heskerdoxê ziwan û kulturî dawetê nê panelî yê.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim