Festîvalên Fîlmên Kurdî amade ne: Berlîn, New York, London
Festîvalên Fîlmên Kurdî ya Berlînê û Festîvalên Fîlmên Kurdî ya New Yorkê gera xwe ya îsal de amade ye û Festîvala Fîlmên Kurdî ya Londonê ji bo sala bê xwe amade dike. Ev festîval hebûna sînemaya Kurdî di qada navneteweyî de bilind dikin.
AMÎDA KURDÎ – Sînemaya Kurdî bi festîvalên fîlman ên li Berlîn, New York û Londonê sînoran derbas dike. Festîvalên Berlîn û New Yorkê gera xwe ya 2026an lidar dixe lê Festîvala Fîlman a Kurdî ya Londonê ji bo edîsyona xwe ya 15an amadekariyê dike.
Festîvala Fîlman a Kurdî ya Berlînê, di navbera 25ê Îlonê û 1ê Cotmehê de, dê ji bo cara 16an bê lidarxistin. Di bernameya îsal a festîvalê de Kurdistana Sovyetê wek mijara sereke hatiye destnîşankirin.
Li Amerîkayê, Festîvala Fîlman a Kurdî ya New Yorkê jî dê bi edîsyona xwe ya 10an temaşevanan pêşwazî bike. Festîval dê di navbera 29ê Îlonê û 4ê Cotmeha 2026an de li Village East by Angelika ya New Yorkê bê lidarxistin.
Festîvala Fîlman a Kurdî ya Londonê jî ji bo sala 2027an xwe amade dike û dê edîsyona xwe ya 15an pêk bîne. Di çarçoveya festîvalê de ji bo kurtefîlman û metrajdirêjan her wiha fîlmên belge û anîmasyonê, serlêdan hatine vekirin. Dawiya serlêdanan 30ê Îlona 2026an e. Lê dîroka eşkere ya lidarxistina festîvalê di sala 2027an de hîn nehatiye ragihandin.
Her sê festîval bi dîrokên cuda tên lidarxistin û hejmara edîsyonên wan jî bala mirovan dikişîne. Berlîn bi edîsyona xwe ya 16an, London bi edîsyona xwe ya 15an û New York bi edîsyona xwe ya 10an di nav festîvalên demdirêj de cih digirin.
Şîrove Bike
- 6 ay önce
Şîrove