Êrîşa dronî li ser mala Barzanî: Ez bi tundî şermezar dikim
Dijîterora Kurdistanê ragihand ku 2 dronên bombebarkirî avêtine Ofîsa Taybet a Serokwezîr û Mesrûr Barzanî derbarê vê êrîşê de got, ‘’Ev pêşhateke metirsîdar e."
Kaynak: RUDAW
Amîda Kurdî - Serokwezîrê Herêma Kurdistanê Mesrûr Barzanî ragihand ku ofîsa wî ya taybet û mala Serokê Dezgeha Asayîş û Îstixbaratê bi dronên Îranê hatine armanckirin û got, "Ev pêşhateke metirsîdar e."
Serokwezîrê Herêma Kurdistanê Mesrûr Barzanî li ser êrişên bi dronan ên li ser ofîsa xwe peyamek belav kir û got:
"Piştî lêkolîna Dijîterora Kurdistanê, derket holê ku îro sibehê ofîsa min a taybet û mala Serokê Dezgeha Asayîş û Îstixbaratê bi dronên Îranê hatine armanckirin. Ev pêşhateke metirsîdar e û gefeke rasterast e li ser ewlehî û aramiya Herêma Kurdistanê. Ev êriş dê me ji bicihanîna erkên me û parastina welatiyên me sar nekin."
Li gorî daxuyaniya Dijîterora Kurdistanê, îro (17ê Tebaxa 2026an) demjimêr 00:28an, 2 dronên bombebarkirî yên "Hedîd-110" ji aliyê sînorê Îranê ve hatine avêtin.
Dijîterorê di daxuyaniya xwe de ev êriş şermezar kirin û got:
"Em van êriş û destdirêjiyan bi tundî şermezar dikin û bi ti awayî nayên qebûlkirin, hemû berpirsyariya encaman jî di stûyê encamderan de ye."
Şîrove Bike
- 6 ay önce
Şîrove