Entegrasyon li Şingalê temam bû: 2 hezar şervanên YBŞê tevlî hêzên Iraqê dibin

Dîroka Weşanê: 1 hafta önce

Tê çaverêkirin ku îro 2 hezar endamên çekdar ên Yekîneyên Berxwedana Şingalê (YBŞ) bi awayekî fermî tevlî hêzên ewlehiyê yên Iraqê bibin. Di qonaxa yekem a vê pêvajoya entegrasyonê de, endamên YBŞê dê di nava artêş, polîsên herêmî û Hêzên Heşda Şeibî de bên bicihkirin.

Amîda Kurdî - Li gorî rêkeftineke ku di navbera Yekîneyên Berxwedana Şingalê (YBŞ) û hêzên ewlehiyê yên Iraqê de hatiye kirin, îro 2 hezar kesên çekdar tevlî hêzên ewlehiyê yên Iraqê dibin. Li gorî nûçeyeke Rûdawê, dê li Çiyayê Şingalê merasîmek ji bo vê tevlîbûnê were lidarxistin. Tê çaverêkirin ku fermandarên payebilind ên her du aliyan beşdarî merasîmê bibin, her wiha hatiye ragihandin ku pêvajoya entegrasyonê dê li gorî xalên rêkeftinê pêk were.

Di qonaxên din de dê bi hezaran kesên din jî tevlî bibin

Çavkaniyeke payebilind a YBŞê diyar kir ku di qonaxa destpêkê de 2 hezar kes bi awayekî fermî tevlî hêzan dibin. Heman çavkaniyê da zanîn ku di qonaxên paşê de, nêzîkî 3 hezar heta 4 hezar endamên din ên çekdar ên YBŞê dê tevlî hêzên ewlehiyê yên Iraqê bibin. Bi vî awayî, tê pêşbînîkirin ku ligel berdewamiya pêvajoyê, hejmara giştî ya kesên ku tevlî hêzan dibin, zêdetir bibe.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim