Ensarîoglu: Pawitişê Zazakî mecburîyetêko însanî yo
Wekîlê Stenbolî yê AK Partî Salim Ensarîogluyî Roja Ziwanê Dayîke pîroz kerd. Ensarîogluyî va, "Ziwanê mi Zazakî yo" û waşt ke seba Zazakîya ke binê tehluke de ya, zêdeyêr xebatî bêrê kerdiş
Kaynak: Amida haber
AMÎDA KURDÎ - Wekîlê Stenbolî yê AK Partî Salim Ensarîogluyî, Roja Ziwanê Dayîke ya Dinya pîroz kerd. Ensarîogluyî îfade kerd ke ziwanê ey ê dayîke zî Zazakî yo û va: “Ziwanê ke welatê ma de yenê qiseykerdiş, eserê dewlemendîya ma ya kulturî û kehenbîyayîşê cografyaya ma yê. Ez roja pêro ziwananê ma pîroz kena.”
'Ziwanî dewlemendîya welatê ma yê'
Ensarîogluyî parekerdişê xo yê hesabê medyayê sosyale de nê çîyî vatî:
“Bi wesîleyê ewroyî ke hetê UNESCOyî ra her serre sey Roja Ziwanê Dayîke ya Dinya yena qebulkerdiş, ez na roja pêro ziwananê ma yê ke dewlemendîya welatê ma yê pîroz kena. Ziwanê ke welatê ma de yenê qiseykerdiş, eserê dewlemendîya ma ya kulturî û kehenbîyayîşê cografyaya ma yê.”
Ensarîogluyî ra seba Zazakî vengdayîş
Ensarîogluyî ard vîr ke ziwanê ey ê dayîke Zazakî yo û hetê UNESCOyî ra kategorîya ‘Ziwananê ke Binê Tehluke de yê’ de ameyo girewtene. Ensarîogluyî veng da û va: “Ez wazena naye zî taybetî bivajî ke seba Zazakî gere ma hîna zaf dîqet bike.”
Ensarîogluyî parekerdişê xo bi cumleyêka ke bi ziwanê xo viraşta qedîna: “Roja Ziwanî ya Dayîke Zazakî Bimbarek Bo!”
Şîrove Bike
- 6 ay önce
Şîrove