Dîyarbekir de Qeza: 1 merde, 13 birîndarî

Dîroka Weşanê: 1 saat önce

Qezaya Lîcê ya Dîyarbekirî de rîyê qeldîyayîşê yew otobusê raywîyan ra qeza qewimîya û qeza de yew kes merd 13 kesî zî birîndar bîyî.

AMÎDA KURDÎ - Hedese, qezaya Lîcê ya Dîyarbekirî, mevkîyê Taxa Guçlu de qewimîya. Otobuso bi plaka "06 EJH 704" ke mîyanê şaristanan de rayîrwanan beno, wexto ke rayîrê Mûşî ser o şîyêne, rîyê vîndîbîyayîşê hakimîyetê dîreksîyonî yê şofêrî ra qeldîya.

Xeberdayîş ser o, ekîbê weşîye yê acîlî, cendirmeyî û ekîbê AFADî ameyî sewqkerdene bi cayê hedeseyî. Ame tespîtkerdene ke qeza de kesêk merdo û 13 kesî zî birîndar bîyê.

Badê midaxeleyê verênî yê cayê hedeseyî, birîndarî pê ambulansan ameyî wedartene  bi nêweşxaneyî. Cenazeyê merdimo ke wefat kerd, semedê miameleyanê otopsî wedarîya morg.

Derheqê qeza de tehqîqat dewam keno.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim