Dêrsim de xoverdayîşê cinîyêke: 15 serrî yo dîreksîyon de ya

Dîroka Weşanê: 6 ay önce

Qezaya Dêrsimî Çemîşgezek de Hanım Yildirima 54 serre, 15 serrî yo ke şofêrîya servîsê wendekaran kena. Yildirime hem debara xo kena hem zî demanê zor û zehmetan de bena hetkarê dewijan.

AMÎDA KURDÎ- Qezaya Dêrsimî Çemîşgezek de Hanım Yildirima 54 serre, 15 serrî yo şofêrîya servîsê wendekaran kena û bi no qayde debara xo kena.

Yildirima ke bi serran o qeza de wendekaran bena mekteb, teberê şofêrîya servîsî de demanê laziman de wesayîtê xo seba şarê dewe zî seferber kena. Rewşanê lezgînan de nêweşan resnena merkezê qeza û bi noqayde paştî dana şarê herême.

Yildirime qiseykerdişê xo de da zanayîş ke zehmetîyê ke domanîya xo de vîyarnayê tesîrê ci kerdê û coka aye xeyalê şofêrîye kerda. Yildirime îfade kerd ke pa pêro zorîyan a meslegê xo domnena û bale ante ser ke, cinîyî eşkenê pêro waranê cuyayîşî de estbê (ca bigîrê).

Hanım Yildirime, va ke mîyanê serran de aye bawerîya welatîyanê dormeyê xo zî qezenc kerda û wina va: "Wexto ke yew rewşa nêweşîye vejîyêna, ez wezîfeyê xo ana ca û ardim kena. Çi destê mi ra bêro, ez kena."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim