Dêrsim de Roşanê Newrozî ame fîrazkerdene

Dîroka Weşanê: 6 ay önce

Ewro Dêrsim de Newroz roja Newrozî bi. Dêrsim de bi seyan kesî ke pê kincanê xo yê herêmîyan ameyî têhet Newroz fîraz kerd.

AMÎDA KURDÎ - Fîrazkerdişê Newrozî, seba yadkerdişê kesanê ke micadeleyê azadîye de weşîya xo vîndî kerda, bi rêzgirewtişêkê yew deqîqeyî dest pêkerd.

‘Newroz xoverdayîş o’

Hemsereka Şaredarîya Dêrsimî ya verêne Bîrsen Orhana ke herinda aye de qayûm ameyo tayînkerdene, şayîye de qisey kerd û wina va: “Newroz bimbarek bo. Xoverdayîşê Roşanê Newrozî deam keno û qet do peynî nêbo. Bizanê ke Roşanê Newrozî xoverdayîş o, Dêrsim xoverdayîş o.”

Wekîla Partîya DEMî ya Dêrsimî Aytene Kordu da zanayene ke ê mucadeleyê estbîyayîşî aver benê û wina va: “Newroz tarîx o. Dêrsim tarîxêko qedîm o. Mucadeleyê ma, bi raştîya mayanê ma yê ke şefeqî de rîyê xo açarnayê tîje ra, dewam keno.”

Dima qiseykerdişan, bi serkêşîya cinîyan adirê Newrozî ame tafînayene. Şarî bi kilaman govend girewte.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim