Demirtaş bi bavê Narin Guranê re hevdîtinêk pêk anî
Selahattin Demirtaş bi Arif Guran re hevdîtinek pêk anî. Arif Guran bavê Narin Guranê ya li Amedê hatibû kuştin e.
Amîda Kurdî - Selahattin Demirtaş, Hevserokê berê yê HDPê yê bi destûreke taybet li Girtîgeha Edirneyê bi Arif Guran re hevdîtinek pêk anî. Demirtaşî wiha got: "Li gorî delîlên di dosyeyê de, kesê ku sûcdariya wî bi delîlên şênber hatiye îsbatkirin, tenê Nevzat Bahtiyar e. Herwiha, li gorî delîlên di dosyeyê de, cezakirina dayika Narinê, Yuksel Guran û apê wê, Salim Guran, bi cezayê girtîgehê binpêkirineke edaletê ye.
‘Ev ne edaleta rastîn e’
Diviyabû ev ceza bêguman di pêvajoyên lêkolînê yên Dadgeha Îstînafê û Dadgeha Bilind de bihata betalkirin. Hiqûqê ev yek dixwest; ji ber ku heta delîl an îtîrafên nû derneketana holê, li ser bingeha dosyeya heyî sûcdariya dayik û ap nehatibû îsbatkirin. Sepandina cezayê girtîgehê yê heta-hetayê li ser kesên ku sûcdariya wan nehatiye îsbatkirin ne edaleta rastîn e û wijdanê giştî jî razî nake. Ez bang li Wezareta Dadê dikim kul i ser dosyeyê bi hûrgilî lêkolîn bê kirin û ji bo betalkirina biryarê, bi hinceta 'berjewendiya hiqûqê' serî li Dadgeha Bilind were dayîn. Bîranîna Narinê, malbata wê û raya giştî hêjayî vê yekê ne. Rêz û hezkirin…’’
Şîrove Bike
- 6 ay önce
Şîrove