Çewlîg de rîyê serdî ra cuyayîş zehmet bîyo
Qezaya Çewlîgî Solaxan de, dima ke vewra zede vara, termometreyan -10 derece mojna. Rîyê cemedgirewtişê rayîran ra welatî û esnafî zehmetîyêka pîle ancenê.
Qezaya Çewlîgî Bongilan (Solaxan) de vewra zêde û hewayê serdî tesîrê xo mojna û cuyayîşê rojaneyî ser o tesîrêko xirab kerd. Seranserê qeza de rayîrî bi vewre qefilyayî û peyarayîrî cemed girewtî.
Çewlîg û qezayanê ci de hefteyê vîyarteyî vewre zaf vara. Dima ke 2 rojî vewre varaye, dereceyê hewayî kewt binê -10î û her ca cemed girewt.
Esnafî cemedê verê dukananê xo şiknenê
Merkezê qezaye de esnafan kerd ke vewra ke verê dukananê înan de kom bîya, bi huyeyan pak bikerê. Eynî wext de ame vînayîş ke esnafî, cemedê ke semedê serdî virazîyayê, kenê ke bişiknê.
Qezaye de, wesayîtê ke parkkerde bîy binê vewre de mendî û semedê cemedgirewtişê rayîran şofêran seba ramitişî zehmetîye ante.
Bi taybetî ame vînayîş ke kuçeyanê mîyanênan de cemedêko giran esto û şar ame îqazkerdene ke wa dîqet bikerê.
Şîrove Bike
- 6 ay önce
Şîrove