Cenazeyê Fehim Tosunî 3 roj in li erdê ye
Cenazeyê Fehim Tosun ê 32 salî, ku li ser sînorê Wan û Îranê hatibû kuştin, sê roj in ji ber şert û mercên hewayê yên nebaş nayê wergirtin.
AMÎDA KURDÎ - Fehim Tosun, ku li gundê Ozpınar (Elbês) ê navçeya Elbakê dijiya, li deverek çiyayî ya çend kîlometreyan dûrî gundê xwe mirî hat dîtin. Lêkolînên destpêkê nîşan dan ku gule li serê wî ketiye. Ji ber şert û mercên hewayê yên dijwar ên herêmê, cenazeyê Tosun nehat wergirtin.
Bahoz rê li ber vegerê digire
Ji ber hewayê dijwar tîmên ambulans û lêkolînê nekarîn bi wesayîtê bigihîjin herêmê. Muxtarê gund Cezmî Aslan diyar kir ku tîman duh bi piştgiriya gundiyan hewl dan ku bi hespan bigihîjin herêmê, lê ji ber bahoza giran neçar man vegeriyan.
Helîkopter nayên şandin
Ji ber şerê li aliyê sînor ê Îranê, ne helîkopterên leşkerî û ne jî helîkopterên ambulansê yên girêdayî Wezareta Tenduristiyê nikarin werin şandin. Malbat û gundî hîn jî li benda ne ku cenaze veguheze otopsiyê.
Şîrove Bike
- 6 ay önce
Şîrove