Çar kitabê neweyî hetê weşnaxaneyê Vateyî ra vejîyayê

Dîroka Weşanê: 8 ay önce

Weşanxaneyê Vateyî, katalogê xo rê çar eserê erjayeyî yê bînî zêde kerdî.

Weşanxaneyê Vateyî, çar kitabê neweyî yê Cemalê Kelxasij, Murad Canşad, Alî Aydin Çîçek û rehmetî Usênê Qeremanî çap kerdî.

Mîyanê weşananê neweyan de nê eserî ca gênê:

"Qalê ma, vatey ma"

Kitabê nuştox û cigêrayox Cemalê Kelxasijî (Cemal Yalçindağ) yo bi nameyê "Qalê Ma, Vatey Ma" weşanîya û resa destê wendoxanê xo.

Mestkerdişê zazaname: "Elik û Fatike"

Kitabê Murad Canşadî yo newe "Elik û Fatike (Zazaname)" zî hetê Weşanxaneyê Vateyî ra ame çapkerdene. No kitab, yew eserê menzûm, yanî şîîrkî yo. Canşad, bi nê eserê xo wendoxanê edebîyatê Zazakî reyna mest keno.

Mîrasê şaîrê rehmetî: "Tilsimê Kirmancîye"

Kitabê şîîran ê Usênê Qeremanî (Mehmet Çetîn) yo bi nameyê "Tilsimê Kirmancîye" zî bi hetkarîya tayê embazanê ey Weşanxaneyê Vateyî ra weşanîya. Usênê Qeremanî, sey şaîrêko zaf zerretenik û hunerê xo de zaf serkewte amêne naskerdiş. Şaîro erjaye çi heyf ke serra 2020î de şibi heqîya xo ser.

Eserê Çîçekî: "Axçîke"

Teberê nînan de, kitabê Alî Aydin Çîçekî yo newe bi nameyê "Axçîke" zî refanê kitaban de ca girewt.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim