Barzanî û Ebdî Hewlêr de reyna ameyî têlewe

Dîroka Weşanê: 2 ay önce

Serekê Herêma Kurdîstanî Nêçîrvan Barzanî û Fermandarê Pêroyî yê HSDyî Mazlum Ebdî, Hewlêr de reya diyîne ameyî pêser.

AMÎDA KURDÎ - Serekê Herêma Kurdîstanî Nêçîrvan Barzanî û Fermandarê Pêroyî yê Hêzanê Sûrîyeya Demokratîke (HSD) Mazlum Ebdî, Hewlêr de reya diyîne kombîyayîşêk viraşt. No pêvînayîş, dima ke Mazlum Ebdîyî bi Temsîlkarê Kar û Baranê Sûrîye yê Amerîka Tom Barrackî reyde pêvînayîş kerd, ame kerdene.

Nêçîrvan Barzanî û Mazlum Ebdî 19ê na aşme de zî Hewlêr de ameybî pêser. Pêvînayîşê 19ê aşme de, rewşa Sûrîye û Rojawanê Kurdîstanî û muzakereyê HSDyî bi Şamî reyde ameybî qiseykerdene.

Kombîyayîşê Barrack û Ebdîyî

Tom Barrack zî vizêr bi Mazlum Ebdî û Hemsereka Dayîreyê Têkilîyanê Teberî ya Rayberdoxîya Xosere Îlhame Ehmed reyde ame têlewe.

Temsîlkarê Amerîka yê Sûrîye Barrackî va ke, ê "keyfweş" ê ke ewro bi Fermandarê Pêroyî yê HSDyî General Mazlum Ebdî û Hemsereka Dayîreyê Têkilîyanê Teberî ya Rayberdoxîya Xosere Îlhame Ehmed reyde ameyê yew ca.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim