Bakirhan beşdarî şînê bû û pêşwaziya beşdaran kir
Hevserokê Partiya DEMê Tuncer Bakırhan beşdarî merasîma sersaxiyê ya ji bo 49 endamên PKKê yên ku di demên cuda de jiyana xwe ji dest dabûn bû û sersaxî da malbatên wan.
Amîda Kurdî - Li Parka Koşuyoluyê ya navçeya Rezan a Amedê, ji bo 49 endamên PKKê yên ku di demên cuda de jiyana xwe ji dest dabûn, merasîmeke sersaxiyê hat lidarxistin.
Ev çalakî bi pêşengiya MEBYA-DERê hat organîzekirin. Di nav beşdaran de malbatên kesên jiyana xwe ji dest dane, Hevserokê Partiya DEMê Tuncer Bakırhan, Parlamentera Partiya DEMê ya Qersê Gulistan Kılıç Koçyigit, Parlamentera Partiya DEMê ya Amedê Adalet Kaya, gelek parlamenter û nûnerên partiyên siyasî û rêxistinên civaka sivîl û gelek welatî hebûn.
Hevserokê Partiya DEMê Tuncer Bakırhan û şanda pê re ya Partiya DEMê, sersaxî da malbatên ku beşdarî merasîmê bibûn û heman demê de pêşwaziya beşdaran kir.
Seredana şîna 49 endamên PKKê yên ku di demên cuda de jiyana xwe ji dest dane dê sê rojan bidome.
Foto: Bîlal Guldem
Şîrove Bike
- 6 ay önce
Şîrove