Bajar: Kovareke xêzeromanê ji Şaredariya Bajarê Mezin a Amedê
Şaredariya Bajarê Mezin a Amedê (DBB), ji bo pêşvebirina bikaranîna zimanê kurdî di jiyana rojane de, kovara xêzeromanê ya bi navê “Bajar” bi formata dîjîtal weşand.
AMÎDA KURDÎ - Serokatiya Daîreya Çand û Hunerê û Karên Civakî, di çarçoveya xebatên parastin û pêşvebirina zimanê kurdî de, berhemeke nû li weşanên xwe zêde kir. Hejmara yekem a kovara Bajar hat weşandin û dê her meh bi rêkûpêk weşana xwe bidomîne.
Bi pêşengiya Dogan Guzel û Îmam Cîcî
Armanca wê xebatê ew e ku hilberîna çandî û zimanî xurt bike, ji bo xwendevanên mîzahê naverokeke dewlemend pêşkêş dike. Di amadekirina kovarê de, xêzkarê navdar Dogan Guzel ku bi karakterê "Qirik" di bîra gel de cih girtiye, pêşengî kir. Her wiha karîkaturîstê nas Îmam Cîcî jî bi xêzên xwe piştgirî da kovarê.
Kurmancî, Zazakî û bo yek hejmarê Soranî
Kovar bi armanca teşwîqkirina hilberîna di zaravayên cuda de, bi Kurmancî û Zazakî tê weşandin. Bi vî awayî tê xwestin ku qada bikaranîna kurdî firehtir bibe û çanda xwendinê ya bi zaravayên cuda pêş bikeve.
Hejmara yekem a kovarê ku ji 16 rûpelan pêk tê, tenê ji bo vê carê bi zaravayê Soranî jî hat amadekirin. Bi vî awayî hat armanckirin ku xwendevanên ku bi zaravayên cuda diaxivin jî bigihîjin kovarê.
Xwe gihandina dîjîtal
Welatiyên ku dixwazin kovara Bajar bixwînin, dikarin di ser navnîşana bajar.tr re xwe bigihînin her du hejmaran û naveroka kovarê.
Şîrove Bike
- 6 ay önce
Şîrove