Bahçelî: Yê ku vedigere bila vegere, ez ji rêya xwe venagerim
Serokê MHPê Devlet Bahçelî diyar kir ku ew ê pêvajoya ku hatiye destpêkirin bidomînin û bi gotinên Pîr Sultan Abdalî bersiv da. Bahçelî got, "Kesên ku vedigerin bila vegerin, ez ji rêya xwe venagerim."
AMÎDA KURDÎ - Serokê MHPê Devlet Bahçelî di axaftina xwe ya di civîna koma partiya xwe ya li Meclisê de derbarê Sûriyeyê û pêvajoyê de daxuyaniyên girîng da.
Bahçelî behsa peymana di navbera HSD û Şamê de kir û got, "Ji bo Ereb, Kurd, Tirkmen û gelên din fersendeke dîrokî ye ku di nav yekîtî û biratiyê de bijîn"
"Divê hemû rêxistinên rêz li rêberê damezrîner bigirin."
"Madem armanc hasil bûye, erkê me ye ku em daxwaz bikin ku hemû rêxistinên girêdayî rêxistinê, rêz li rêberê damezrîner ê PKKê bigirin."
Çend xalên sereke ji axaftina Bahçelî:
‘’Kesên ku bûyerên li Sûriyê diqewimin tînin Tirkiyê û birayên me ber bi provakasyonan ve dibin, em dizanin ku nîyeta wan ne baş e.
Di 30ê Kanûna Paşîn de, di navbera rêveberiya Şamê û HSDê de peymanek agirbestê û entegrasyonê ya berfireh hat çêkirin. Dewletê hatiye damezrandin, gehiştiye qonaxa desthilatdariyê."
Wî bi gotinên Pîr Sultan Abdal bersiv da û got:
"Kesên ku vedigerin bila vegerin, ez ji rêya xwe venagerim."
Şîrove Bike
- 6 ay önce
Şîrove