Artêşa Îsraîlî eşkera kerd: Tehran de teqayîşê giranî
Artêşa Îsraîlî aşkere kerd ke, vera hedefanê leşkerîyan ê Îranî "hêrişê cewabdayîşî" dayê dest pêkerdene. Paytext Tehran de vengê teqayîşanê pîlan ameyî eşnawitene.
Kaynak: Amîda Kurdî
AMÎDA KURDÎ- Artêşa Îsraîlî, dima ke vengê teqayîşan paytextê Îranî Tehran û derûdorê Karajî de ame eşnawitene, eşkerayîyêk da.
Vervatoxê Artêşa Îsraîlî Daniel Hagariyî, eşkera kerd ke seba cewabdayîşê hêrişanê rejîmê Îranî yê ke bi aşman o vera Îsraîlî dewam kenê, înan vera hedefanê leşkerîyan operasyon dayo dest pêkerdene.
Hagariyî va, "Sey her dewleta xosere, heq û wezîfeyê Dewleta Îsraîlî zî esto ke cewab bido. Qabîlîyetê ma yê pawitiş û hêrişkerdişî zêde yo. Ma do her çîyo ke lazim o bikerê ke şarê Îsraîlî bipawê."
Îran: Sîstemê pawitişê hewayî ameyî şuxulnayene
Çapemenîya Îranî teyîd kerd ke paytext Tehran de xeylêk teqayîşî qewimîyayê.
Medyaya nêzdîyê Pasdaran Fars Haberî zî îzah kerd ke merkezê bajarî yê Tehranî de çend teqayîşê giranî ameyê eşnawitene.
Şîrove Bike
- 6 ay önce
Şîrove