Amedsporî Bafel Talabanî zîyaret kerd
Heyetê Amedsporî, Silêmanî de bi Serekê YNK Bafel Celal Talabanî reyde ame têhet û formaya bi numreya 75ine da ci.
AMÎDA KURDÎ - Heyetê Rayberdişî yê Amedsporî, Silêmanî de Serekê Yewîya Niştimanperweranê Kurdîstanî (YNK) Bafel Celal Talabanî zîyaret kerd û formaya 75ine ya kulûbî da ci. Zîyaret de, teberê Serekê Amedsporî Nahît Erenî de, Sekreterê Pêroyî yê Odeya Tîcaret û Senayî ya Amedî (DTSO) Ferdanî Gokdere, karsaz Îhsan Ogurlu û Serekê Heyetê Şêwirmendîye yê Amedsporî Metîn Kilavuz zî ca girewtî
Pêvînayîş de heyetê Amedsporî, formaya 75ine ya kulûbî teqdîmê Bafel Celal Talabanî kerde. Talabanî, seba zîyaretî keyfweşîya xo îfade kerd û va ke o rolê Amedsporî û serkewtişê ke dest vistê teqdîr keno.
Beynatê Amedsporî de îna ame vatiş:
Heyetê ma yo ke mîyan de Serekê Kulûbê ma Nahît Eren, Serekê Heyetê Şêwirmendîye Metîn Kilavuz û endamê Heyetê Rayberdişî tede bî, Herêma Kurdîstanê Iraqî de zîyaretanê xo rê dewam keno. Heyetê ma yo ke ewro Silêmanî de bi, bi Serekê Yewîya Niştimanperweranê Kurdîstanî (YNK) Bafil Talabanîyî reyde pêvînayîş kerd. Pêvînayîş de, teberê hemkarîya warê sporî de, derheqê averşîyayîşanê herêmkîyan de zî fîkrî ameyî parekerdene.
Hetê bînî ra, heyetê Amedsporî verê cû zî Serewezîrê Herêma Kurdîstanî Mesrûr Barzanî û Serekê Partîya Demokrat a Kurdîstanî (PDK) Mesûd Barzanî zîyaret kerdbî.
Şîrove Bike
- 6 ay önce
Şîrove