Amedspor deplasman ra pê hîrê pûanan agêra
Amedspor o ke Lîga 1. ya TFFyî de mucadele keno ke vejîyo Lîga Superî, ewro deplasman de meymanê Hataysporî bi.
Kaynak: Amîda Kurdî
AMÎDA KURDÎ - Hefteyê 32. ya Lîga 1. ya Trendyolî de Amedspor, deplasman de vera Hataysporî bi hîrê golan serkewt. Ekîba Amedî hem pêsero serkewtişê xo yê 4. gîrewt hem zî rayîrê Lîga Superî bi rayîrê xo rê dewam kerd.
Amedsporî maç de kayêko xurt û bitesîr kay kerd, sere ra heta peynî kontrolê maçî destê xo de tepişt. Hataysporî zî waşt ke sehaya xo de, verê terefdaranê xo de xo ver bido; la qewetê ey vera kayê Amedsporî de bese nêkerd.
Amedspor o ke deqîqeyanê verênan ra nat giranîya xo da maçî, bi golo ke rew dîy avantajo pîl kerd qezenc. Ekîba Amedî musabeqe ra bi netîceya 3-0î vejîyaye û bi nê serkewtişî puanê xo zêde kerdî.
Hîrê golî, hîrê nameyî
Golê ke Amedsporî rê serkewtiş ardî; deqîqeya 10. de Mbaye Diagneyî, deqîqeya 24. de Daniel Morenoyî û deqîqeya 58. de zî Florent Hasaniyî eştî.
Amedsporî bi nê netîceyî pêseroo serkewtişê xo yê çarîn zî vist destê xo û puanê xo vet 67.
Amedspor, hefteya 33. ya lîgî de do keyeyê xo de Bolusporî bikero meyman; Hatayspor zî do deplasman de bi Pendîksporî reyde kay bikero.
Şîrove Bike
- 6 ay önce
Şîrove