Amed de zem yeno heqê otobusan û teksîyan ser
Amed de seba komresîya pêroyî amadekarîya zamî yena kerdiş. Pawîyêno ke aşma Sibate de heqê dolmîşî bibo 30 TL, heqê wendekaran zî bibo 20 TL.
AMÎDA HABER - Amed de tarîfeyê neweyî yê zamkerdeyî yê komresîye bewlî bîyê. Goreyê malumatanê ke ameyê girewtene, pawîyêno ke dima kombîyayîşê ke do heta aşma Sibate bêro kerdene, heqê dolmîş û teksîyan rê zam bêro kerdene.
Tarîfeyê nika de heqê dolmîşî 25 TL yo, pawîyêno ke bibo 30 TL; heqê wendekaran ke 15 TL yo zî bibo 20 TL. Amed de zamê resayîşî yo tewr peyên, aşma Gulane de amebi kerdene.
Heqê teksîyan zî zêde beno
Hetê bînî ra heqê teksîyan de zî zêdebîyayîş yeno pawitene. Goreyê reqamanê ke hema qetî nêbîyê, plan yeno kerdene ke teksîyan de heqê ‘dekewtiş-vejîyayîşî’ (indi-bindi) 115 TLyî ra bêro vetene 140 TLyî.
Goreyê malumatan, do mabênê Şaredarîya Pîle ya Amedî, Odeya Şofêran û Kooperatîfanê Mînîbusan de 15ê Sibate de pêvînayîşê zamî bêrê kerdene.
Şîrove Bike
- 6 ay önce
Şîrove