Amed de Yazgula 24 serrî keyeyê xo de merde ameye vînayene

Dîroka Weşanê: 1 ay önce

Qezaya Amedî Bismil de Yazgule Can a 24 serre ke keyeyê xo de nêweş kewte û wedarîya nêweşxane, bi îddîaya "girewtişê dermanê zêdeyî" weşîya xo vîndî kerde.

AMÎDA KURDÎ - Qezaya Amedî Bismil de, Yazgule Cane (24) bi îddîaya ke zaf derman girewto û wedarîya nêweşxane weşîya xo vîndî kerde.

Hedîse, vizêr sere sibayî Mehleya Sanayî ya Bismilî de qewimîya. Goreyê malumatanê ke ameyê girewtiş, Yazgule Cane keyeyê xo de nêweş kewte û hetê merdimanê xo ra wedarîya nêweşxane. Verê cû, ame vatiş ke semedê nêweşîya mîgrenî nêweş kewta û tahlîl û rontgenî ameyî kerdene.

Dima ra, wexto ke vejîya werte ke aye derman girewto, pîzeyê aye ame şutiş  û mudaxele ame kerdene. Labelê Cane, nêweşxane de nêamey xelesnayîş û vizêr şan weşîya xo vîndî kerde.

Birayê xo yê qijî rê vato

Goreyê malumatanê Amîda Haberî; Yazgule Cane saete 10.00î de dermanê ke keye de bîy girewtê û no hal birayê xo yê qijkekî  rê vato.

Ekîbanê polîsan keye de cigêrayîş kerd. Tesbîtanê verênan de ame zanayîş ke Cane miqdarêko berz derman girewto.

Newe nîşanî bîbî

Ame musayîş ke Yazgule Cane nezdîya 4-5 aşmî verê cû nîşan kerdbi. Keyeyê aye îfade kerd ke tu problemê aye çin bi.

Cenazeya Cane, dima muemeleyanê otopsî Goristanê Akpinarî yê Bismilî de ameye definkerdiş.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim