Amed de xebata vewre: Esnafê AK Partî Şaredarîya DEMî teqdîr kerd
Amed, qezaya Sûrî de esnaf û endamê meclîsî yê verên ê AK Partî Adîl Aydinî, seba xebata pakkerdişê vewre sipasê şaredarîya Partîya DEMî kerd û va, "Wezîfeyê xo tam kerd."
AMÎDA KURDÎ - Vewra ke Amed de tesîrê xo mojna, hem bejayî de hem zî hewa de resayîş da vindarnayîş. Şaredarîya Pîle ya ke di hefteyî verê cû xebata pakkerdişê vewre de imtîhanêko baş nêdabi, na rey bi kadroyo tam vejîya seha. Sere sibayî ra nat rayîrê serekî vewre ra ameyî pakkerdene, xebata solkerdişî ameye kerdene. Vewra ke vindergehan de kom bîbî zî hetê ekîbanê şaredarîye ra ameye eştene.
Esnafan zî sipas kerd
Şar xebata şaredarîye ra razî yo. Qezaya Sûrî de esnaf û endamê meclîsî yê verên ê AK Partî zî pesnê xebata şaredarî danê. Aydinî fotografê ekîbanê pakkerdişê vewre ant û wina va:
“Na rey Şaredarîya Pîle ya Amedî û Rayîrê Bejayî de, wezîfeyê ke kewtî înan ser bi temamî kerdî. Ma sipasê înan kenê.”
Esnafê Sûrî zî seba mudaxeleyê lezgînî yê şaredarîye memnunîyetê xo ard ziwan.
Şîrove Bike
- 6 ay önce
Şîrove