Amed de trêne da otobusa Şaredarîye ro

Dîroka Weşanê: 8 ay önce

Amed, qezaya Yenîşehîrî de trêne da otobusa şaredarîye ro; Şofêra cinîye ya otobuse birîndar bîye.

AMİDA KURDÎ - Qezaya Amedî Yenîşehîr de şofêra otobusa şaredarîye ya ke vîyartegehê hemzemînî de bi trêne reyde qeza kerde, bîye birîndar.

Goreyê malumatanê ke ameyê girewtiş, otobusa şaredarîye ya bi pîlakaya 21 AIC 280î ke binê îdareyê B.A.ye de bîye, rayîrê Amed-Mêrdînî ser o, verê Sîteya Çermdarande, vîyartegehê hemzemînî de bi trêna rayîrwanan a ke seferê Amed-Êlihî kerdêne, kewtî têmiyan. Qeza de şofêra otobuse bîye birîndar.

Şofêra cinîye ya ke birîndar bîye, bi ambûlansî ameye berdene Nêweşxaneyê Dewlete yê Selaheddîn Eyyûbî. Semedê qezayî ra trêne û otobusa şaredarîye zerar dî.

Ame musayene ke rayîrwanê ke trêne de bîy, do bi yewna trêne şêrê Êlih.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim