Amed de şar santral nêwazeno: Cendermeyan verê dewijan girewt

Dîroka Weşanê: 7 ay önce

Qezaya Amedî Sûr de, dewijanê Arzoxliyî vera santralê enerjîya rojî yo ke wazîyeno ke kişta dewe de bêro viraştene, hêrsê xo mojna

AMÎDA KURDÎ- Qezaya Amedî Sûr de, dewijanê Arzoxliyî (Karaçalı), awankerdişê santralê enerjîya rojî (GES) yo ke meraya dewe ser o wazîyeno bêro viraştene, protesto kerd.

Şîrketa bi nameyê ZENKARî, wazena qezaya Sûrî de serê 500 donim erdê meraya Dewa Arzoxliyî de santralê enerjîya rojî awan bikero.

Dewijanê Arzoxliyî vera na proje razînêbîyayîşê xo mojna. Dewijî vanê ke, bi awankerdişê nê santralî, hem do çergehê înan xirab bibo hem zî warê tarîxî yê bi nameyê "Xirab Bajarê" yo ke uca de yo, zerar bivîno.

Dewijan ewro vera proje dest bi çalakîye kerd labelê hêzanê ewleyîye verê çalakîya înan girewt.

Cendermeyan rayîrê ameyîş û şîyayîşê dewe girewtî û nêverda kes bivîyaro.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim