Amed de Şampîyonaya Kîk Boksî ya Tirkîya dest pêkerde

Dîroka Weşanê: 3 hafta önce

Şampîyonaya ke hetê Federasyonê Kîk Boksî yê Tirkîya ra yena viraştene rê, 75 bajaran ra nezdîyê 6 hezar û 200 sporwanî û 1500 antrenorî tewrê ci bîyî. Musabeqeyî do heta 3yê Nîsane dewam bikerê.

AMÎDA KURDÎ - Şampîyonaya Kîk Boksî ya Tirkîya û Weçînayîşê Taximê Mîlîyî yê ke hetê Federasyonê Kîk Boksî yê Tirkîya ra Amed de yenê viraştene, dest pêkerdî.

Organîzasyono ke qezaya Amedî Yenîşehîr de Salonê Sporî yê Seyrantepeyî de yeno kerdene rê, 75 wîlayetan ra nezdîya 6 hezar û 200 sporwanî, 1500 antrenorî û keyeyê înan tewr bîyî (beşdar bîyî).

6 hezarî ra zêdeyêr sporwanî Amed de yê

Walîyê Amedî Murat Zorluoglu yo ke program de qisey kerd, bale ante serê hêzê sporî yê yewkerdoxî û va ke na organîzasyon bajar de seba pêseramayîşî yew zemînêko muhîm virazena.

Serekê Federasyonê Kîk Boksî yê Tirkîya Salîm Kayiciyî zî îzah kerd ke şampîyonaya tewr pîle Amed de yena viraştene û va ke ê nameyê sporwanan ser o zaf kêfweş ê.

Do heta 3yê Nîsane dewam biko

Mudurê Cîwanîye û Sporî yê Wîlayetî Cenk Oztekînî zî îfade kerd ke ê bi mêmankerdişê na organîzasyone kêfweş ê û kesanê ke keda înan vîyarta rê sipas kerd.

Ame vatiş ke Şampîyonaya Kîk Boksî ya Tirkîya û Weçînayîşê Taximê Mîlîyî do 3yê Nîsane de biqedîyê.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim