Amed de rîyê solkerdişî ra rayîrî bîyê sey hêgayê kartolan
Amed de badê varayîşê vewra zêde, rayîrî ameyî solkerdiş la rîyê solkerdişî ra rayîrî bîyê çal.
AMÎDA KURDÎ - Amed de emser zimistanê zaf xidar vêreno. Varayîşê vewre ra dima erd cemeg girewt. Ekîbê Rayîranê Bejayî û şaredarîye cade û kuçeyan de xebata solkerdişî kerd. Labelê semedê solkerdişî ra tayê cade û kuçeyî xirab bîyî û bîyî sey hêgayê kartolan.
Rayîrê Riha yo ke cadeto en pîl ê Amedî yo, o zî rîyê solkerdişî ra bi sey hêgayê kartolan. Rayîrê ke rojane bi seyan wesayîtî ser o şinê de na rewşe ver şoforî zehmetî ancenê.
Cadeyê Çêrmûgî yê qezaya Amedî Erxenî yo ke bi hezaran wesayîtî ser o vîyêrenê zî vewre ra dima bi sey hêgayê kartolan. Şofêrê ke çalanê xorîyan dir mücadele kenê, wesayîtê înan zerar vînenê û mecbûr manenê ke şêrê senayî.
Esnaf û şofêrê herême wazenê ke cadeyo ke binê mesulîyetê Mudurîya Herême ya Rayîranê Bejayî de yo, bêro temîrkerdiş.
Şîrove Bike
- 6 ay önce
Şîrove