Amed de nêweşî bi sobaya ceyranî xo germ kenê
AMÎDA HABER - Nêweşxaneyê Amedî de semedo ke sîstemê germkerdişî nêxebitîyeno, nêweşî xo pê sobaya ceyranî germ kenê.
Amed de hewayo serd û cemed dewam keno û cuyayîşê rojane zaf bi zehmet vîyareno. Rayîr û cadeyî rojan o ke akerde nîyê û bajar hema rehet nêbîyo.
Nêweşxaneyê Cigêrayîş û Perwerdeyî yê Gazî Yaşargîlî yo ke her hefte bi problemanê cîyayan yeno rojdem, nê rojanê ke dereceya hewayî kewta binê sifirî, sîstemê germkerdişî tam kapasîte nêxebitîyeno.
Betanîye û soba
Semedo ke fîrmaya ke îhale girewta, sîstemê germkerdişî wextê xo de nêqedîna, nêweşê ke nêweşxane de tedawî vînenê û xebatkarî, aşma Kanûne mîyanê serdî de vîyarnay. Sîstemê germkerdişî yê nêweşxaneyî dima ra ame teslîmkerdiş. Labelê, sîstemo ke ame teslîmkerdiş tam kapasîte nêxebitîyeno, coka nêweşî û personelî reya diyîne mexdur bîyê.
Nêweşxaneyê ke rojane 20 hezar kesî seba tedawî muracatê ci kenê de problemê germbîyayîşî bi soba û betanîyeyan yeno çareserkerdiş.
Yew merdimê karî yo xeyrkerd 60 UFOyî erînayî û teslîmê îdareyênêweşxaneyî kerdî.
Şîrove Bike
- 6 ay önce
Şîrove