Amed de mabênê di keyeyan de pêameyîş

Dîroka Weşanê: 4 ay önce

Qezaya Çêrmûge de mabênê keyeyanê Gul û Polatî de dişmenetîya ke 1,5 serre verî dest pêkerdbi, bi pêameyîş qedîya. Keyeyî bi mîyançîtîya heyetê aşitîye û rîsipîyan newe ra ameyî têhet û pîya werd werd.

 Qezaya Çêrmûge de dişmenetîya mabênê di keyeyan bi aşitî qedîya. Mezraya Adalar û Eşikler de mabênê keyeyanê Gul û Polatî de serre û nême verî, seba dawayêka erdî pêrodayîş vejîyabi û nê qewimyayîşî de 5 kesî birîndar bibî.

Aşkere bi ke bi kedê rayberê eşîra Kırvaran Yusuf Kırvarî û bi mîyançîyîya heyetê aşitîye her di keyeyî razî bîyî û dişmenetîya xo vîndarna. Programê aşitîye bi wendişê Qura’nê Kerîmî dest pêkerd û badê cû Muftîyê Çêrmûge Burhan Kızılarslanî biratîye û aşitîye ser o qiseykerdişêk kerd. Rayberê eşîra Kırvaran Yusuf Kırvarî zî seba na gama xêrî sipasîya xo pêşkêşê keyeyan kerde.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim